Skrifstofa félagsins að Víkurbraut 46 er opin alla virka daga frá 09:00 til 15:00 starfsmaður þar er Jóhanna Sigrún Einarsdóttir. Formaður Verkalýðsfélags Grindavíkur er Hörður Guðbrandsson  en hann tók við formennskunni í nóvember 2018.

_DSC2545

Aðrir í stjórn eru Birkir Freyr Hrafnsson varaformaður, Geirlaug Geirdal gjaldkeri, Hafdís Helgadóttir ritari og meðstjórnendur eru þeir Jónas Harðarsson, Piotr Slawomir Latkowski og Benedikt Kristbjörnsson. Í varastjórn eru Chirian Phokhawhok, Bogi Adolfsson, Grímur Örn Jónsson og Pattra Thipnet.

Verkalýðsfélag Grindavíkur á nú fimm orlofshús; eitt við Apavatn, annað í Hallkelshólalandi í Grímsnesi, eitt í Skorradal í Borgafirði, íbúð á Tenerife og það nýjasta er orlofshús á Akureyri. Þessi hús eru öll til leigu allt árið um kring.

Verkalýðsfélag Grindavíkur á núna allt Verkalýðshúsið að Víkurbraut 46. Félagið byggði húsið í samvinnu við lífeyrissjóðinn en þegar hann sameinaðist Suðurnesjasjóðnum keypti verkalýðsfélagið hlut sjóðsins. Alla tíð hefur ýmsum aðilum verið leigð aðstaða í húsinu og þar eru nú þrjú fyrirtæki til húsa sem leigjendur en eitt þeirra, Sjóvá-Almennar, hefur verið þar allan tímann. Tekjur af húsaleigunni standa að mestu undir rekstri hússins.
Í Verkalýðshúsinu hefur félagið góða aðstöðu undir skrifstofu og til fundahalda.